Mədəniyyət-2040: Bacarıqlar Proqramına xoş gəlmisiniz
Hörmətli mədəniyyət işçiləri, proqrama xoş gəlmisiniz!
Sizi “Mədəniyyət-2040: Bacarıqlar üzrə  Məlumatlandırıcı Proqramı”nda salamlamaqdan məmnunuq. Bu proqram mədəniyyət sahəsində çalışan əməkdaşların peşəkar biliklərini, davranış mədəniyyətini, xidmət yanaşmasını, idarəetmə bacarıqlarını və gələcəyə hazırlığını gücləndirmək məqsədi ilə hazırlanmışdır.
Bu giriş dərsinin əsas məqsədi sizə proqramın mahiyyətini, niyə vacib olduğunu və mədəniyyət sahəsində peşəkar işçi olmağın əsas şərtlərini izah etməkdir. Proqram “Azərbaycan Mədəniyyəti – 2040” Konsepsiyasının ruhuna uyğun olaraq hazırlanmış baza savadlılığı proqramıdır. Burada əsas məqsəd yalnız məlumat vermək deyil, mədəniyyət işçisinin öz roluna daha geniş və məsuliyyətli baxış formalaşdırmasına dəstək olmaqdır.
Bu proqram sizə izah edəcək ki, mədəniyyət sahəsində peşəkarlıq yalnız diplom, vəzifə adı və ya iş stajı ilə ölçülmür. Əsl peşəkarlıq dəyər anlayışı, etik davranış, biliklə işləmək, düzgün ünsiyyət, xidmət keyfiyyəti, irsə məsuliyyət, yaradıcı düşüncə, rəqəmsal bacarıq, nəticəyönümlü fəaliyyət və cəmiyyətlə əlaqə qurmaq qabiliyyəti ilə formalaşır.
Bu dərsin məqsədi
Bu dərsi tamamladıqdan sonra sizə aydın olacaq ki:
✅ “Mədəniyyət-2040 Peşəkar Bacarıqlar Proqramı” nə üçün hazırlanıb;
✅ mədəniyyət işçisinin müasir peşəkar rolu nədən ibarətdir;
✅ peşəkar mədəniyyət işçisinin 10 əsas şərti hansılardır;
✅ Mədəniyyət Peşəkarlıq Reyestri nə məqsəd daşıyır;
✅ sertifikatlar gələcək karyera inkişafı üçün necə nəzərə alına bilər;
✅ bu proqramdan sonra hansı növbəti inkişaf imkanları mövcuddur.
Bu proqramı sadəcə kurs kimi deyil, özünüzə verilən bir inkişaf sualı kimi qəbul edin:
Mən yalnız tapşırıq icra edirəm, yoxsa mədəni dəyər yaradıram?
Bu sual proqram boyunca bizi müşayiət edəcək.
Qeydiyyat müddəti: 01 iyul – 10 iyul
Proqramları tamamlamaq üçün son tarix: 20 iyul
İştirak haqqı: Odənişsiz
Format: 100% onlayn
