CCEI Mədəniyyət və İrs Akademiyası
Mədəniyyət Sahəsində Peşəkar İnkişaf Proqramı 2026
Mədəniyyət təşkilatlarını gücləndirən bilik. Yaradıcı liderlər üçün strateji inkişaf.
Əziz mədəniyyət işçiləri,
ABŞ-də yerləşən və beynəlxalq səviyyədə fəaliyyət göstərən Chartered Culture and Education Institute (CCEI Təhsil və Mədəniyyət İnstitutu) mədəniyyət və irs sahələrində peşəkar inkişaf proqramlarını, kurslarını və xidmətlərini Azərbaycan Respublikasının Mədəniyyət Nazirliyi ilə əməkdaşlıq çərçivəsində artıq Azərbaycan dilində də əlçatan edir.
Bu əməkdaşlıq əsasında CCEI-nin bilavasitə Azərbaycan üçün nəzərdə tutulmuş xüsusi təşəbbüsü — Mədəniyyət və İrs Akademiyası yaradılmışdır. Akademiya mədəniyyət və irs ekosistemində fəaliyyət göstərən bütün qurumlar, o cümlədən rəsmi dövlət strukturları, mədəniyyət mərkəzləri, irs məkanları, muzeylər, kitabxanalar, incəsənət və musiqi məktəbləri, teatrlar və yaradıcı sənaye təşkilatları üçün ixtisaslaşmış Peşəkar İnkişaf Platforması təqdim edir.
Bu platforma mədəniyyət sahəsində çalışan mütəxəssislərin bilik və bacarıqlarını gücləndirməklə yanaşı, onların qlobal standartlara uyğun, strateji düşünən və davamlı inkişafı təmin edən peşəkarlar kimi formalaşmasına xidmət edir.
Bir illik Mədəniyyət Sahəsində Peşəkar İnkişaf Proqramı
Bir illik Mədəniyyət sahəsində Peşəkar İnkişaf Proqramı mədəniyyət və irs sahəsində çalışan rəhbər və mütəxəssislər üçün mərhələli, sistemli və sahəvi ixtisaslaşmanı təmin edən Öyrənmə və İnkişaf modelinə əsaslanır.
I mərhələ (3 ay): Mədəniyyətin idarə edilməsi
Birinci mərhələdə iştirakçılar mədəniyyət sahəsində ümumi peşəkar idarəetmə bacarıqları üzrə əsas biliklər əldə tmək məqsədilə Mədəniyyət Sahəsində Peşəkar İdarəetmə Proqramını bitirirlər:
Mədəniyyət siyasəti | Strateji planlaşdırma | Mədəni liderlik və idarəetmə
Dərslər I praktik nümunələr I interaktiv quiz və testlər | Aylıq canlı Seminarlar
II mərhələ (3–6 ay): Sahəvi peşəkar idarəetmə
İştirakçılar öz fəaliyyət sahələrinə uyğun olaraq aşağıdakı ixtisaslaşmış proqramlardan birini seçirlər:
İrsin idarə edilməsi
(maddi və qeyri-maddi irs • davamlılıq • beynəlxalq çərçivələr)
Muzey və kitabxana idarəçiliyi
(kolleksiya menecmenti • auditoriya inkişafı • rəqəmsallaşma)
Mədəniyyət mərkəzləri, incəsənət və musiqi məktəbləri, teatr idarəçiliyi
(əməliyyat idarəçiliyi • yaradıcılıq prosesləri • maliyyə dayanıqlığı)
Dərslər I praktik nümunələr I interaktiv quiz və testlər | Aylıq canlı Seminarlar
III mərhələ (6-12 ay): Peşəkar dərinləşmə və yekun mərhələ
Bu mərhələ iştirakçıların biliklərini praktik və analitik səviyyədə möhkəmləndirməyə yönəlib:
Layihə hazırlığı | Sahəvi tezislərin yazılması | Aylıq canlı Seminarlar I Yekun qiymətləndirmə
Tədris formatı
100% onlayn | Öz tempinizdə | Üzvlük əsaslı
Dərslər I praktik nümunələr I interaktiv quiz və testlər | Aylıq canlı Seminarlar
Sertifikat
I mərhələ – Mədəniyyət Sahəsində İdarəetmə Sertifikatı, Liderlik Sertifikatları
II mərhələ – Sahəvi Sertifikatlar (Muzey, Kitabxana, Musiqi və İncəsənət Məktəbləri, Teatr və Mədəniyyət Mərkəzləri və s.)
III mərhələ – “Mədəniyyət Sahəsində Peşəkar İnkişaf Proqramı 2026” Yekun Sertifikatı
Sertifikatlar Chartered Culture & Education Institute (CCEI) tərəfindən təqdim olunur.
Hər hansı sualınız yarandığı təqdirdə, zəhmət olmasa [email protected] ünvanı vasitəsilə bizimlə əlaqə saxlayın.
İndi qoşulun və mədəniyyət sahəsində peşəkar inkişafınızı yeni mərhələyə daşıyın.
Qeydiyyat
Aşağıdakı məlumatları doldurun və təsdiq edin, sonra isə abunəlik üzvlüyünüzü aktivləşdirib bütün sertifikat proqramlarından və xidmətlərdən istifadə edin.
Mükafatlandırma 2026
Mükafatın adı
Peşəkar İnkişaf Proqramı çərçivəsində “İlin Peşəkar İnkişaf Lideri” mükafatları
Ümumi əsaslandırma
Qaliblər iştirakçı qurum və fərdlərin 2026-cı il ərzində platformada nümayiş etdirdikləri davamlı öyrənmə fəallığı, peşəkar inkişaf göstəriciləri və biliklərin praktik tətbiqi əsasında müəyyən ediləcəkdir.
Qurumlar üzrə nominasiyalar
-
İlin Peşəkar İnkişaf Lideri (Region)
-
İlin Peşəkar İnkişaf Lideri (Muzey)
-
İlin Peşəkar İnkişaf Lideri (Kitabxana)
-
İlin Peşəkar İnkişaf Lideri (Mədəni İrs Qurumu)
-
İlin Peşəkar İnkişaf Lideri (Heydər Əliyev Mərkəzi)
-
İlin Peşəkar İnkişaf Lideri (Musiqi və İncəsənət Məktəbi)
-
İlin Peşəkar İnkişaf Lideri (Teatr və Konsert Müəssisəsi)
-
İlin Peşəkar İnkişaf Lideri (Mədəniyyət Mərkəzi və Klubu)
Fərdi nominasiyalar
“İlin Peşəkar İnkişaf Lideri – Mədəniyyət İşçisi” nominasiyası üzrə:
| I yer | II yer | III yer |
|---|---|---|
| 🥇 Qızıl dərəcə | 🥈 Gümüş dərəcə | 🥉 Bürünc dərəcə |
Qiymətləndirmə meyarları
-
Platformada ümumi fəallıq sayı və səviyyəsi
-
Müzakirələrdə və canlı görüşlərdə aktiv iştirak
-
Tədris proqramlarında davamlılıq
-
Öyrənmə nəticələri və biliklərin praktik tətbiqi
-
Fərdi və institusional inkişaf göstəriciləri
Qurumlar üzrə mükafatlandırma
-
Qurumun bütün əməkdaşları üçün 1 il müddətinə platformaya ödənişsiz giriş
-
Xüsusi rəsmi sertifikat
-
Əməkdaşlar üçün mentorluq proqramlarının təşkili
-
Qurum üçün İnstitusional İnkişaf Strategiyasının hazırlanmasına metodoloji və ekspert dəstəyi
Fərdi kateqoriya üzrə mükafatlandırma
-
1 il müddətinə platformadan ödənişsiz istifadə
-
Xüsusi sertifikat
-
1 illik mentorluq proqramında iştirak hüququ
Məqsəd
Mədəniyyət sahəsində davamlı öyrənmə mədəniyyətinin təşviqi, institusional və fərdi peşəkar inkişafın gücləndirilməsi, qabaqcıl və nümunəvi təcrübələrin tanınması və yayılmasının təmin edilməsi.
Dünyada mədəniyyət idarəetməsində əsas çağırışlar və həll yolları
-
Strateji idarəetmənin zəifliyi – Bir çox mədəniyyət qurumlarında fəaliyyətlər qısamüddətli tədbirlərlə məhdudlaşır. Həll yolu: 3–5 illik strateji planlaşdırma, aydın missiya və nəticəyönümlü idarəetmə mexanizmlərinin tətbiqi.
-
Peşəkar idarəetmə bacarıqlarının məhdudluğu – Yaradıcılıq güclü olsa da, menecment və liderlik bacarıqları yetərli deyil. Həll yolu: davamlı peşəkar inkişaf, mədəniyyət menecmenti və liderlik üzrə təlim proqramlarının yaradılması.
-
Maliyyə dayanıqlığının zəifliyi – Qurumların büdcə asılılığı yüksəkdir. Həll yolu: sponsorluq, tərəfdaşlıq, qrant mexanizmləri və gəlir gətirən modellərin inkişafı.
-
Auditoriya ilə əlaqələrin zəif qurulması – Gənclər və icmalarla davamlı əlaqə mexanizmləri məhduddur. Həll yolu:auditoriya inkişaf strategiyaları və ictimai iştirakçılığın gücləndirilməsi.
-
Rəqəmsal transformasiyanın ləngliyi – Texnologiyaların sistemli tətbiqi zəifdir. Həll yolu: rəqəmsal strategiyaların hazırlanması və innovativ idarəetmə alətlərinin tətbiqi.
Mədəniyyət və İrsin İdarəedilməsi üzrə Əsas Performans Göstəriciləri (KPI)
| Strateji istiqamət | Əsas performans göstəriciləri (KPI) |
|---|---|
| Strateji planlaşdırma və idarəetmə | Strateji inkişaf planının mövcudluğu və icra faizi; illik fəaliyyət planlarının vaxtında yerinə yetirilməsi; rəhbərlik qərarlarının effektivliyi; institusional idarəetmə səviyyəsi |
| Mədəni irsin qorunması və davamlılıq | Qorunan, bərpa edilən və monitorinq olunan irs obyektlərinin sayı; texniki vəziyyət üzrə qiymətləndirmə nəticələri; risklərin idarə olunması mexanizmləri |
| Keyfiyyət və standartlar | Milli və beynəlxalq standartlara uyğunluq səviyyəsi; metodiki sənədlərin tətbiqi; audit və daxili qiymətləndirmə nəticələri |
| İnsan resurslarının inkişafı | Təlim və inkişaf proqramlarında iştirak faizi; əməkdaşların kompetensiya səviyyəsi; liderlik və idarəetmə bacarıqlarının inkişaf göstəriciləri |
| İctimai iştirakçılıq və cəmiyyətlə əlaqələr | İctimai tədbirlərin sayı; yerli icmaların proseslərə cəlb olunma səviyyəsi; sosial təsir göstəriciləri |
| Ziyarətçi təcrübəsi və məmnunluq | Ziyarətçi sayında artım faizi; məmnunluq sorğularının nəticələri; maarifləndirici proqramların effektivliyi |
| Rəqəmsallaşma və innovasiya | Rəqəmsallaşdırılmış irs materiallarının sayı; onlayn platformalardan istifadə göstəriciləri; innovativ həllərin tətbiqi |
| Maliyyə idarəetməsi və səmərəlilik | Büdcə vəsaitlərinin məqsədyönlü istifadəsi; əlavə maliyyə mənbələrinin cəlbi; layihə əsaslı maliyyələşmə göstəriciləri |
| Layihə və proqram idarəetməsi | İcra olunan layihələrin sayı; layihələrin vaxt və nəticə baxımından icra səviyyəsi; layihə təsir analizi |
| Tərəfdaşlıq və beynəlxalq əməkdaşlıq | Yerli və beynəlxalq tərəfdaşlıqların sayı; birgə layihələrin effektivliyi; qrant və donor proqramlarında iştirak |
| Kommunikasiya və ictimai imic | Media görünürlüğü; ictimai etimad səviyyəsi; kommunikasiya strategiyasının icrası |
| Monitorinq və hesabatlılıq | Aylıq və illik hesabatların vaxtında təqdim olunması; ölçülə bilən nəticələrin mövcudluğu; qərarvermədə məlumat əsaslı yanaşma |
| Davamlı inkişaf və gələcək planlama | Uzunmüddətli inkişaf göstəriciləri; institusional dayanıqlıq səviyyəsi; gələcək risk və imkanların qiymətləndirilməsi |
